Мобильді нұсқа Нашар көретіндерге арналған нұсқа
26.07.2017

Қызметтер

«МЕМЛЕКЕТТІК ҚЫЗМЕТШІЛЕРДІ ҚАЙТА ДАЯРЛАУ, БІЛІКТІЛІГІН АРТТЫРУ ЖӘНЕ ТІЛДЕРДІ ОҚЫТУ ӨҢІРЛІК ОРТАЛЫҒЫ» КОММУНАЛДЫҚ МЕМЛЕКЕТТІК ҚАЗЫНАЛЫҚ КӘСІПОРНЫ

09 05 06 2016Құбашева Сәуле Дәлуқызы – Атырау облысы әкіміаппаратының «Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы» коммуналдық мемлекеттік қазыналық кәсіпорнының директоры.

1961 жылы туған.

Гурьев педагогикалық институтын бітірген.

Еңбек жолын 1982 жылы Маңғыстау облысы Жаңаөзен қаласының № 6 орта мектебінде математика пәнінің мұғалімі болып бастады. Кейін Жаңаөзен мұнай техникумында оқытушы, оқу жұмысы жөніндегі директордың орынбасары, Ақтау политехникалық институтында оқытушы, Маңғыстау гуманитарлық колледжінде, Қазақстандық қазіргі заман «Болашақ» академиясының колледжінде оқу-тәрбие жұмысы жөніндегі директордың орынбасары, Ж.Досмұхамбетов атындағы дарынды балаларға арналған лицейінде, Атырау бизнес және құқық колледжінде оқытушы қызметтерін атқарды.

2006 жылғы тамыздан бастап Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығының әдіскері, бөлім меңгерушісі, қарашадан бастап директордың орынбасары қызметін атқарып келді.

 

Атырау облысы әкімі аппаратының «Мемлекеттік қызметшілерді қайта даярлау, біліктілігін
арттыру және тілдерді оқыту өңірлік орталығы» КМҚК

Тегі, аты-жөні

Қызметі

Телефон

ҚҰБАШЕВА Сәуле Дәлуқызы

Мекеме директоры

270934

 

Қабылдау бөлімі

270934

 АХМЕДОВА Фарида Төлегенқызы

Орынбасары

271754

 

Веб парақша

rco-atyrau.kz

 

Тарихи анықтама

«Мемлекеттік қызметшілердің біліктілігін арттыру аймақтық орталығы» коммуналдық мемлекеттік қазыналық кәсіпорны облыс әкімінің 2000 жылғы 6 желтоқсандағы № 670 шешімімен құрылды.

Атырау облысы әкімдігінің 2011 жылғы 18 шілдедегі №207 қаулысымен «Атырау облысы Тілдерді дамыту жөніндегі басқармасының «Тіл» оқу-әдістемелік орталығы» коммуналдық мемлекеттік қазыналық кәсіпорны Атырау облысы әкімі аппаратының «Мемлекеттік қызметшілерді қайта даярлау және олардың біліктілігін арттыру өңірлік орталығы» коммуналдық мемлекеттік қазыналық кәсіпорнына қосу жолымен қайта ұйымдастырылып, Атырау облысы әкімі аппаратының «Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы» коммуналдық мемлекеттік қазыналық кәсіпорны болып қайта аталды.

 

Өкілеттіктерін, міндеттері мен функцияларын анықтайтын
заңдардың, нормативтік актілердің тізбесі

  • Қазақстан Республикасы Президентінің 2015 жылғы 29 желтоқсандағы №152 «Мемлекеттік қызмет өткерудің кейбір мәселелері туралы» Жарлығы.

  • Қазақстан Республикасы Үкіметінің 2005 жылғы 18 ақпандағы №153 «Мемлекеттік қызметшілерді қайта даярлау және олардың біліктілігін арттыру өңірлік орталығы туралы үлгі ережесін бекіту туралы» қаулысы. (Қазақстан Республикасы Үкіметінің 2013 жылғы 11 қазандағы №1091 қаулысымен өзгеріс енгізілді).

  • Қазақстан Республикасы Президентінің 2011 жылғы 21 шілдедегі №119 «Қазақстан Республикасы мемлекеттік қызметі жаңа моделінің тұжырымдамасы туралы» Жарлығы.

  • Атырау облысы әкімдігінің 2011 жылғы 26 желтоқсандағы №376 «Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы» коммуналдық мемлекеттік кәсіпорнын қайта құру туралы» қаулысы (Атырау облысы әкімдігінің 2014 жылғы 20 наурыздағы №68 қаулысымен өзгеріс енгізілді).

 

Оқытудың түрлері

I – Қайта даярлау

«Б» корпусының мемлекеттік әкімшілік басшы лауазымына алғаш тағайындалған және мемлекеттік әкімшілік қызметіне алғаш кірген мемлекеттік қызметшілерге арналған курс

II – Біліктілік арттыру

Үш күндік семинар (3 жұмыс күні – 24 оқу сағаты);

Бес күндік семинар (5 жұмыс күні – 40 оқу сағаты);

Он күндік семинар (10 жұмыс күні – 80 оқу сағаты).

III – Мемлекеттік, ағылшын және орыс тілдерін оқыту

 

Оқыту контингенті

Жергілікті атқарушы органдарының мемлекеттік қызметшілері, мемлекеттік аумақтық органдарының, облыс, қала, аудан маслихаттарының қызметкерлері және жеке тұлғалар.

 

Негізгі мәліметтер

Атырау облысы әкімі аппаратының Мемлекеттік қызметшілерді қайта даярлау, біліктілігін арттыру және тілдерді оқыту өңірлік орталығы (бұдан әрі – Орталық) өңірдің сұраныс есебі, оқытудың формасы мен категориясы, мемлекеттік қызметшілердің кәсіби біліктілігін арттыру мәселелері бойынша Қазақстан Республикасының Мемлекеттік қызмет істері министрлігінің Атырау облысы бойынша департаментімен, жергілікті және аумақтық мемлекеттік басқару органдарымен бірлескен әріптестік қызметті жүзеге асырады.

Орталық қызметінің басты мақсаты – басшылардың кәсіби, кадрлық корпусын құру және жетілдіру үшін мемлекеттік қызметшілердің кәсіби біліктіліктері мен дағдыларын тереңдету және өңірдің оларға деген сұранысын қамтамасыз ету.

Орталық қызметінің негізгі міндеттері:

  • Жергілікті және аумақтық басқару органдарының мемлекеттік қызметшілерін қайта даярлау және кәсіби біліктілігін арттыруды ұйымдастыру және жүзеге асыру.

  • Мемлекеттік және аймақтағы жергілікті басқару тиімділігін көтеруді қамтамасыз ететін оқытудың жаңа технологиясы мен әдістерін өңдеп, үйретіп, енгізу.

  • Мемлекеттік қызметшілерді оқыту сапасын көтеруге бағытталған оқу – әдістемелік және дидактикалық материалдарды өңдеп, жетілдіру.

  • Жергілікті және аумақтық мемлекеттік басқару органдарының мемлекеттік қызметшілеріне, өзге де ұлт өкілдеріне арналған тілдерді жеделдете деңгейлеп оқыту курстарын ұйымдастыру.

 

Тиімді оқытудың талаптары:

  • қайта даярлау мен кәсіби біліктілігін көтеруді, тілдерді оқытуды ұйымдастырудың нақты бірізді жүйесі;

  • мемлекеттік қызметшілерге ұсынылатын оқу бағдарламалары мазмұнының біліктілік талабына сәйкес болуы;

  • бағдарламаның мазмұндық бөлімін мемлекеттік басқарудың әр түрлі саласының даму қарқынына сәйкес үнемі жаңартып отырылуы;

  • оқу бағдарламаларының дәреже бойынша жіктелуі.

 

Оқыту үдерісі

 Мемлекеттік қызметшілерді оқыту – мемлекеттік органдардың сұраныстары мен мемлекеттік қызметшілердің өздерінің мүдделеріне сәйкес жүзеге асырылатын және мемлекеттік қызметтегі жұмыс үшін қажетті білімді, дағдыларды, шеберлікті меңгеруде мақсатты, жүйелі және жоспарлы түрде ұйымдастырылатын оқу үдерісі.

Оқытудың теориялық және тәжірибелік ерекшеліктерін есепке ала отырып, орталық мемлекеттік қызметшілердің біліктілігін үздіксіз жетілдіру мен іскерлік дағдыларды шыңдауды мақсат етеді.

Оқу бағдарламалары модульдық нысанда құрылып, төмендегідей аспектілерді қамтиды:

- теориялық;

- әдістемелік;

- жеке тұлғалық.

Оқыту модульдері тыңдаушылардың оқу үдерісіне белсенді қатысуын және өз қызметінде тиімді қолдануын қарастырады. Тыңдаушылардың оқу үдерісінде алған ақпараттарын жеке жұмыс тәжірибесімен салыстыруға мүмкіндік бере отырып, кәсіби біліктілігін арттыруға ерекше көңіл бөледі.

Оқу сапасын көтеру мақсатында оқытудың интерактивті формалары – тренингтер, іскерлік және рөлдік ойындар, «дөңгелек үстелдер», жаңа ақпараттық технологияларды қолдану арқылы өткізілетін пікірталастар, компьютерлік мультимедиялық техникалар және басқару қызметіне қажетті тыңдаушылардың талдау, сараптау, зерделеу қабілетін дамытатын үлестірмелік материалдар қолданылады.

Тыңдаушыларды іріктеу мемлекеттік қызметшілердің біліктілігін көтеруге мемлекеттік тапсырыс негізінде жүргізіледі және ол сауалнама жүргізуді, нормативтік-құқықтық актіге сәйкес әңгімелесуді, тыңдаушылардың сауалнамалық мәліметтерін оқып және олардың кәсіби сапасына өзіндік баға беруді, сондай-ақ өзін-өзі жетілдіру бағытындағы талап-тілектерін қамтиды.

 

Кітапхана

Орталықта 20 адамға арналған оқу залы және электронды кітапхана жұмыс жасайды, сонымен қатар басқару мәселелері бойынша әдебиеттер, мерзімдік басылымдар, басқа да аудио-видео сабақтар, электронды оқулықтар және бағдарламалық қамтамасыз ету оқу жазбалары бар.

Жыл сайын кітапхана қоры оқылатын пәндерге сәйкес жаңа оқу басылымдарымен: мемлекеттік басқару, құқықтану, экономика тағы басқа да салалар бойынша толықтырылып отырады. Соңғы уақытта кітапхана қоры оқыту курстарының, семинарларының тақырыптарына сәйкес оқытушылар дайындаған оқу-әдістемелік құралдарымен толықтырылып келеді.

Орталық кітапханасында оқытушылар құрамына ақпараттық-анықтамалық көмек, тыңдаушыларға сабаққа сапалы дайындалу мақсатында қажетті оқу - әдістемелік құралдар, ғылыми әдебиеттер туралы ақпараттар алуға мүмкіндік бар.

 

 

Кадрлық қамтамасыз ету

Білім беру сапасының маңызды көрсеткіші білім беру процесін қамтамасыз ететін кадр сапасы болып табылады.

Оқыту үдерісін жүргізуге жоғары білікті кадрлар, басқару қызметінде үлкен тәжірибесі және еңбек өтілі бар мемлекеттік және жергілікті басқару органдарының қызметкерлері тартылады.

Орталықта облыс және қала әкімі аппараттарының, Қазақстан Республикасының Мемлекеттік қызмет істері министрлігінің Атырау облысы бойынша департаментінің, жергілікті басқару органдарының жауапты қызметкерлері, жоғары оқу орындарының профессорлары, 5 ғылым докторы мен 15 ғылым кандидаты, доцент және оқытушылар дәріс оқиды. Құқық қорғаушы және атқарушы органдарының жауапты қызметкерлері де дәріс беруге шақырылады.

Орталық оқытушылары үнемі Қазақстан Республикасы Президентінің жанындағы Мемлекеттік басқару академиясында және басқа да білім беру ұйымдарында біліктіліктерін арттырып отырады.

 

Оқыту үдерісін материалдық-техникалық қамтамасыз ету

Орталық әкімшілік-әдістемелік кабинеттерімен, курс, семинар тыңдаушыларына арналған кітапханамен, қазіргі заманғы көшіру-көбейту техникасымен қамтылған.

Орталық тыңдаушыларға және олардың белсенділігін арттыруға негізделген мультимедиялық, интерактивтік оқытуды қамтитын заманауи құралдармен жабдықталған.

Орталықтың қызметінде қызметкерлер мен тыңдаушылар үшін қолайлы жағдай жасау мәселелеріне ерекше көңіл аударылады.

 

Біліктілік арттыру

Мемлекеттік қызметшілердің біліктілігін арттыру – олардың кәсіби, басқарушылық және жеке құзыретін жетілдіру үшін атқаратын лауазымдарының санаттарына байланысты оқыту семинарлары.

«Б» корпусының мемлекеттік әкімшілік қызметшілері біліктілігін арттырудан:

  1. үш жылда бір реттен сиретпей;

  2. жылдың қорытындысы бойынша екі рет «қанағаттанарлықсыз» баға алған жағдайда – мемлекеттік қызметшілер қызметін бағалаудың нәтижесі бойынша үш ай ішінде өтеді.

Үш жылда өтетін біліктілікті арттыру мемлекеттік қызметшінің тиісті функционалдық міндеттеріне сәйкес келетін бағыт бойынша жүзеге асырылады.

Мемлекеттік қызметшілер қызметін бағалаудың нәтижесі бойынша біліктілікті арттыру мемлекеттік қызметші қызметінің қанағаттанарлықсыз деп танылған бағыты бойынша жүзеге асырылады.

Мемлекеттік қызметшілердің біліктілігін арттыру бағдарламасы мемлекеттік басқару және мемлекеттік қызмет істері саласындағы теориялық және тәжірибелік білімін жүйелі түрде жаңартып отыруға, олардың кәсіби мақсаттар мен міндеттерін жүзеге асыруда заманауи әдістерді меңгеруге және басқару шеберлігін жетілдіруге бағытталады.

Орталықта мемлекеттік қызметшілердің біліктілігін арттыру қысқа мерзімді және арнаулы интерактивті семинарлар арқылы жүзеге асады, сонымен қатар аудандарда немесе мемлекеттік органдар орналасқан жерлерде көшпелі семинарлар ұйымдастырылады.

Біліктілігін арттырудың ұзақтығы 24-тен 80-ге дейінгі академиялық сағаттан тұрады.

Біліктілігін арттыруды табысты аяқтаған мемлекеттік қызметшілерге біліктілігін арттыруды аяқтағанын растайтын құжат беріледі.

 

Қайта даярлау

Қайта даярлау – мемлекеттік қызмет саласындағы білім беру стандарттарының талаптарына сәйкес, кәсіби қызметтің жаңа түрін орындау үшін қажетті қосымша кәсіби білім алу мақсатында немесе лауазымы жоғарылауына байланысты ұзақ мерзімдік міндеттерге орай қосымша кәсіби білім алудың бағдарламалары бойынша мемлекеттік қызметшілерді оқыту.

Мемлекеттік органдардың мемлекеттік қызметшілерді қайта даярлау қажеттілігін қанағаттандыру, мемлекеттік қызметті кәсіби кадрлармен қамтамасыз ету жөніндегі бірыңғай мемлекеттік кадр саясатын іске асыру мақсатында Қазақстан Республикасы Президентінің 2015 жылғы 29 желтоқсандағы № 152 «Мемлекеттік қызмет өткерудің кейбір мәселелері туралы» Жарлығына сәйкес мемлекеттік әкімшілік қызметіне алғаш кірген мемлекеттік қызметшілер немесе мемлекеттік әкімшілік басшы лауазымына алғаш тағайындалған мемлекеттік қызметшілер лауазымға тағайындалған күннен бастап алты айдан кешіктірілмей қайта даярлаудан өтуі қажет.

Басшылық лауазымға алғаш тағайындалған әкімшілік мемлекеттік қызметшілер немесе мемлекеттік әкімшілік қызметке алғаш кірген мемлекеттік қызметшілер қайта даярлау курстарының тыңдаушылары болып табылады.

Әкімшілік мемлекеттік қызметшілерді қайта даярлаудың оқу бағдарламасы екі бағытта сараланған:

Бірінші бағыт – мемлекеттік әкімшілік басшы лауазымына алғаш тағайындалған мемлекеттік қызметшілер үшін.

«Б» корпусының мемлекеттiк әкiмшiлiк басшы лауазымына алғаш тағайындалған мемлекеттiк қызметшiлерге ұсынылған білім беру бағдарламасы мемлекеттік қызметшілердің кәсіби деңгейін арттыруға қолдау көрсетуге, мемлекеттік басқару мен мемлекеттік қызмет саласында басқарушылық білім мен құзыреттерді дамытуға бағдарланған.

Екінші бағыт – мемлекеттік әкімшілік қызметіне алғаш кірген тұлғалар үшін.

Мемлекеттік әкімшілік қызметіне алғаш кірген мемлекеттік қызметшілер үшін білім беру бағдарламасы бейімдік сипатта болады және мемлекеттік қызметшілерді кәсіби дамыту мақсатында әзірленген.

Мемлекеттік қызметшілерді оқыту процесі оқытудың заманауи интерактивті нысандарды мен әдістерін, іскерлік, рөлдік ойындар және case-study әдісі нысанындағы нақты мысалдар мен жағдайларды талқылау және үлгілеуді пайдалану арқылы жүргізіледі.

Қайта даярлауды табысты аяқтаған мемлекеттік қызметшілерге қайта даярлауды аяқтағанын растайтын құжат беріледі.

 

Мемлекеттік тілді оқыту курсы

«Мемлекеттік тілді деңгейлеп оқыту» курсы тыңдаушыларға тілді дамыту мен қатысымды (коммуникативті) біліктілікті қалыптастыруға бағыттала отырып, тіл білімінің салалары бойынша теориялық – практикалық білім мазмұнын игертуді басты назарда ұстайды.

Оқытудың негізгі мақсаты – қазақ тілінің құрылымы мен жүйесін, қарым-қатынас, танымдық құрал ретіндегі ерекшелігін фонетика, лексика, сөзжасам, синтаксис, стилистика салалары арқылы тереңдетіп, тілдік және сөйлеу дағдыларын қалыптастырып, қоғамда қарым-қатынас жасау дағдыларын дамыту.

Оқытудың негізгі міндеттері:

  • Қазақстан аумағында білім кеңістігіндегі қазақ тілдік бірегейлікті қамтамасыз ету;

  • қазақ тілін оқыту барысында тыңдаушыларға қазақ тілінің жүйесі мен құрылымы туралы жалпы білімдерін кеңейтіп, тілдік және сөйлеу дағдыларын қалыптастыру;

  • тыңдаушылардың коммуникативтік, ақпараттық, әлеуметтік-мәдени, кәсіби, жалпы мәдени құзыреттерін кешенді дамыту;

  • мемлекеттік тілдің қоғамдағы әлеуметтік салалардың барлық деңгейінде, оның ішінде тыңдаушылардың кәсіби салалық қызмет аясында қолдана алуын дамыта түсу.

 

Орыс тілін оқыту курсы

Курстың негізгі мақсаты – коммуникативтік құзіреттіліктің, яғни лингвистикалық құралдар арқылы ғылым, іскери саладағы нақты айтылым жағдайында коммуникативті міндеттерді шешу қабілеттерін қалыптастыру.

Оқытудың негізгі міндеттері: алған ақпараттарын бағалай білуі, мәтіндерден жаңа ақпараттар алу, негізгі кәсіби жанрлар мәтінін құру, кәсіби тақырыптарда әңгімелесу, қоғамда қарым-қатынас жасау біліктілігін дамыту.

 

Ағылшын тілін оқыту курсы

Курстардың төмендегідей түрлерін ұсынылады:

Бастауыш топтағыларға арналған курс ағылшын тілін оқуға алғаш ниет білдірген немесе меңгеру деңгейі төмен және ағылшынша түсіндіре білетіндерге арналған. Курс кезеңінде тыңдаушылар бұрынғы білімдерін жаңғырта отырып, оларды ары қарай дамытуға мүмкіндік алады.

Жалғастырушы топтағыларға арналған курс – ағылшын тілін білетін, бірақ сөздік қоры жеткіліксіз және грамматикадан кемшілік жіберушілерге бағытталған. Бұл курс тыңдаушылардың өз білімдерін жүйелеуіне және жетілдіруге мүмкіндік жасайды және ағылшын тілінде күнделікті тұрмыста тиімді қарым-қатынас жасау біліктілігін дамытуды мақсат етеді.

Жүйеленген оқу бағдарламасы тілдің айтылым, тыңдалым, оқылым және жазылымды қалыптастырады. Оқу материалдары сабақтың маңызды негізін құрайды. Оқу барысында оқытудың түрлі әдіс-тәсілдері, қызықты материалдар, аудиоматериалдар, видео сабақтар, қарым-қатынас бейімділігін дамытатын рөлдік ойындар мен түрлі бағыттағы ойындар қолданылады. Шағын топтарда оқыту әрбір тыңдаушыға көңіл аудару мен жоғары маманданған оқытушылардан қажетті көмек алуға мүмкіндік береді. Оқу бағдарламалары мен оқыту үрдісі стандартқа сәйкестендірілген және окыту барысында заманауи оқу құралдары пайдаланылады.

Әрбір оқу курсы топқа қабылданғанға дейін жүргізілетін диагностикалық тест нәтижесі бойынша анықталған ағылшын тілін меңгеру деңгейіне сай оқытылады. Курстан өткен соң тыңдаушыларға сертификат беріледі және олар ары қарай курстың келесі деңгейіне өте алады.




Мақаланың шыққан күні:: 08.01.2016 12:27
Парақтағы соңғы өзгерістер:: 07.07.2016 13:19