Мобильді нұсқа Нашар көретіндерге арналған нұсқа
11.07.2020

Қызметтер

Облыс әкімінің орынбасарлары

Атырау облысы әкімінің бірінші орынбасары

Заместители акима

Аты-жөні:Таубаев Нурлан Бактыбаевич

Лауазымы: Облыс әкімінің бірінші орынбасары

Қабылдау күні: аптасына бір рет дүйсенбі сайын

Қызмет телефоны: 35-45-05

E-mail: obl.akimat@atyrau.gov.kz

Ескерту: қабылдауға алдын ала жазылу 133 бөлмеде жүргізіледі, тел.35-45-51. Қабылдау  уақыты  басшымен алдын ала келісіледі.

 

 

Таубаев Нұрлан Бақтыбайұлы 1976 жылы 26 мамырда Атырау қаласында дүниеге келген. Ұлты - қазақ, жоғары білімді, 1998 жылы Атырау мемлекеттік мұнай және газ институтын тау-кен геология инженері, 2003 жылы Қазақстандық экономика және құқық институтын юриспруденция, 2004 жылы Х.Досмұхамедов атындағы Атырау мемлекеттік университетін экономист-менеджер мамандықтары бойынша бітірген.

Еңбек жолын 1995 жылы Атырау қаласында «Экспресс-Юг» жауапкершілігі шектеулі серіктестігі директорының орынбасары қызметінен бастаған. 1998-1999 жылдары «Денсаулық» жауапкершілігі шектеулі серіктестігінің директоры, 1999-2000 жылдары «Ислам» жауапкершілігі шектеулі серіктестігінің директоры қызметтерін атқарған.

2000-2006 жылдары Атырау қалалық тұрғын үй-коммуналдық шаруашлығы, жолаушылар көлігі және автокөлік жолдары бөлімінің бастығы, 2006-2008 жылдары Қазақстан Республикасы Индустрия және сауда министрлігінің бәсекелестікті қорғау комитетінің Атырау облысы бойынша монополияға қарсы басқармасының бастығы, 2008-2012 жылдары Қазақстан Республикасы Бәсекелестікті қорғау агенттігінің (Монополияға қарсы агенттік) Атырау және Маңғыстау облыстары бойынша өңіраралық инспекциясының бастығы, 2012-2014 жылдары Қазақстан Республикасы Бәсекелестікті қорғау агенттігінің (Монополияға қарсы агенттік) Атырау облысы бойынша монополияға қарсы инспекциясының бастығы, 2014-2015 жылдары Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитетінің стратегиялық талдау басқармасының бас сарапшысы, 2015-2017 жылдары Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті Атырау облысы бойынша департаментінің басшысы, 2017-2018 жылдары Қазақстан Республикасы Ұлттық экономика министрлігінің Табиғи монополияларды реттеу, бәсекелестікті және тұтынушылардың құқықтарын қорғау комитеті Атырау облысы бойынша департаментінің басшысы, 02-10.2018 жылы – Атырау қаласы әкімінің орынбасары, 2018-2019 жылы Атырау облысы әкімінің орынбасары лауазымдарын атқарған.

Сонымен қатар 2008-2012 жылдары Атырау облысының аумақтық сайлау комиссиясының төрағасы қызметін қоғамдық негізде атқарған.

2019 жылғы 20 қазанынан бері Қазақстан Республикасы Ұлттық экономика министрлігінің Табиғи монополияларды реттеу комитеті Атырау облысы бойынша департаментінің басшысы лауазымында өзін ісін жетік білетін ұйымдастырушы және өз саласын толық меңгерген басшы екенін көрсетті.

Еңбектегі жетістіктері үшін 2011 жылы «Қазақстан Республикасының Тәуелсіздігіне 20 жыл», 2016 жылы «Қазақстан Республикасы Тәуелсіздігіне 25 жыл» мерекелік медалдарымен наградталған.

 

 

 


 

 

Атырау облысы әкімінің орынбасары Әжіғалиева Айгүл Теміртасқызы

 

Аты-жөні: Әжіғалиева Айгүл  Теміртасқызы

Лауазымы: Облыс әкімінің орынбасары

Қабылдау күні: аптасына бір рет бейсенбі сайын

Қызмет телефоны: 35-45-30

E-mail: obl.akimat@atyrau.gov.kz

Ескерту: қабылдауға алдын ала жазылу 133 бөлмеде жүргізіледі, тел.35-45-51. Қабылдау  уақыты  басшымен алдын ала келісіледі.

Атырау облысы әкімінің орынбасары А.Т. Әжіғалиеваның қысқаша өмірбаяны

Әжіғалиева Айгүл Теміртасқызы 1966 жылы Атырау облысы, Дамбы селосында дүниеге келген.

1985 жылы Целиноград қаласының Қаржы-экономикалық техникумын, 1991 жылы Алматы қаласының Халық шаруашылық институтын экономист, қаржы қызметкері мамандығы бойынша бітірген.

Еңбек жолын 1985 жылы Облыстық қаржы бөлімінде кадр жұмысы бойынша аға инспекторы лауазымынан бастады.  Кейін облыстық Қаржы басқармасында түрлі басқарушылық лауазымдарда қызмет атқарды.

2005 және 2010 жылдар аралығында Атырау облыстық Экономика және бюджеттік жоспарлау басқармасы директорының орынбасары, кейін басқарма басшысы.

2010 жылдың маусым айынан - Атырау облысы әкімінің орынбасары.

 


 

Атырау облысы әкімінің орынбасары Хаменова Бақытгүл Қайыржанқызы

 

Облыс әкімінің орынбасарларыАты-жөні: Хаменова Бақытгүл Қайыржанқызы

Лауазымы: Облыс әкімінің орынбасары

Қабылдау күні: Аптасына бір рет сәрсенбі сайын

Қызмет телефоны: 35-45-19

E-mail: obl.akimat@atyrau.gov.kz

Ескерту: қабылдауға алдын ала жазылу 133 бөлмеде жүргізіледі, тел.35-45-51. Қабылдау  уақыты  басшымен алдын ала келісіледі.

 

Хаменова Бақытгүл Қайыржанқызы 1981 жылы Атырау қаласында дүниеге келген. Білімі - жоғары, Х.Досмұхамедов атындағы Атырау мемлекеттік университетін қазақ тілі және әдебиеті пәндерінің мұғалімі, Атырау мұнай және газ институтын мұнай және газ инженері, М.Өтемісов атындағы Батыс Қазақстан мемлекеттік университетін экономика және бизнес бакалавры мамандықтары бойынша бітірген. Филология ғылымдарының кандидаты және саясаттану бейіні бойынша доктор.

Еңбек жолын 1999 жылы Атырау облыстық телерадио-ақпараттық компаниясының редакторы қызметінен бастаған. 2001-2003 жылдары Х.Досмұхамедов атындағы Атырау мемлекеттік университеті қазақ тілі кафедрасының оқытушысы, элитарлық мектебі директорының тәрбие жұмысы жөніндегі орынбасары.

2002-2004 жылдары Атырау мұнай және газ институтының қазақ тілі кафедрасының оқытушысы, 2004-2005 жылдары «Рахат ТВ» Атырау телерадио хабарларын тарату филиалы қазақ редакциясының корреспонденті. 2004-2009 жылдары Х.Досмұхамедов атындағы Атырау мемлекеттік университеті қазақ әдебиеті мен журналистика кафедрасының оқытушысы, 2005-2016 жылдары Атырау Каспий өңірінің қазіргі заманғы колледжінің директоры қызметтерін атқарған.

2016 жылғы 24 наурыздан бері алтыншы сайланған Қазақстан Республикасы Парламенті Мәжілісінің депутаты, Экология мәселелері және табиғат пайдалану комитетінің мүшесі қызметінде өзін ісін жетік білетін маман, ұйымдастырушы және тәжірибесі шыңдалған басшы екенін көрсете білді.

Еңбектегі жетістіктері үшін 2010 жылы «Ыбырай Алтынсарин» төсбелгісімен, 2013 жылы «Білім беру ісінің құрметті қызметкері» төсбелгісімен, 2014 жылы «Қазақстан мәслихатының 20 жылдығы» медалімен, 2014 жылы «Белсенді қызметі үшін» төсбелгісімен, 2015 жылы «Қазақстан Республикасының Конституциясына 20 жыл» мерекелік медалімен, «KAZENERGY» медалімен, 2015 жылы «Экономика Мақтанышы» орденімен, 2017 жылы «Құрмет» орденімен наградталған.

 

 


 

Атырау облысы әкімінің орынбасары Нәутиев Әлібек Ибатоллаұлы

 

Аты-жөні: Нәутиев Әлібек Ибатоллаұлы

Лауазымы: Облыс әкімінің орынбасары

Қабылдау күні: аптасына бір рет жұма сайын

Қызмет телефоны: 35-45-63

E-mail: obl.akimat@atyrau.gov.kz

Ескерту: қабылдауға алдын ала жазылу 133 бөлмеде жүргізіледі, тел.35-45-51. Қабылдау уақыты басшымен алдын ала келісіледі.

Нәутиев Әлібек Ибатоллаұлы 1963 жылы Атырау облысы, Махамбет ауданы, Таңдай селосында дүниеге келген, ұлты қазақ, білімі жоғары. «Нұр Отан» партиясының Махамбет аудандық филиалының төрағасы.
1994 жылы Батыс Қазақстан ауылшаруашылығы институтын «зооинженер» мамандығы бойынша бітірген;
2001 жылы Халел Досмұхамедов атындағы Атырау мемлекеттік университетін «экономист-қаржыгер» мамандығы бойынша аяқтаған;
2003 жылы Қайнар университетін «заңгер» мамандығы бойынша бітірген.
Еңбек жолын 1980-1981 жылдар аралығында Таңдай орта мектебінде «дене тәрбиесі» пәнінің мұғалімі болып бастаған.
1986-1987 жылдар аралығында «Бақсай» асыл тұқымды қой кеңшарында мал дәрігері болып қызмет еткен.
1987-1989 жылдар аралығында «Бақсай» асыл тұқымды қой кеңшарында комсомол ұйымының хатшысы болып қызмет атқарған.
1989-1992 жылдар аралығында Махамбет аудандық комсомолдар комитетінде І, ІІ хатшысы болып еңбек еткен.
1992-1993 жылдар аралығында Махамбет ауданы әкімшілігінің жастар ісі жөніндегі, экономика комитеттерінде төраға қызметтерін атқарған.
1993-1997 жылдар аралығында аудан әкімінің орынбасары-аудандық экономика комитетінің төрағасы болып еңбек еткен.
1997-2008 жылдар аралығында Қызылқоға, Құрманғазы аудандарының әкімі болып қызмет атқарған.
2008 жылдың ақпан-қараша айлары аралығында Атырау облысы жұмыспен қамтуды үйлестіру және әлеуметтік бағдарламалар басқармасында басшы болып қызмет еткен.
2008-2009 жылдар аралығында Индер ауданының әкімі болып қызмет атқарған.
2009-2010 жылдар аралығында «АИНА» компаниясында бас директордың орынбасары болып еңбек еткен.
2010-2014 жылдар аралығында NCPOC компаниясында қарым-қатынастар бөлімінің жұртшылықпен байланыс жөніндегі маманы болып қызмет атқарған.
2014-2015 жылдар аралығында Атырау облыстық Жер қатынастары басқармасының басшысы қызметін атқарған.
2015-2016 жылдар аралығында Махамбет ауданының әкімі қызметін атқарып келеді.

2016 жылдың мамыр айынан бастап Атырау облысы әкімінің орынбасары.


 

Атырау облысы әкімінің орынбасары Абылханов Ержан Дауылбайұлы

 

Облыс әкімінің орынбасарларыАты-жөні: Абылханов Ержан Дауылбайұлы

Лауазымы: Облыс әкімінің орынбасары

Қабылдау күні:

Қызмет телефоны:

E-mail: obl.akimat@atyrau.gov.kz

Ескерту: қабылдауға алдын ала жазылу 133 бөлмеде жүргізіледі, тел.35-45-51. Қабылдау уақыты басшымен алдын ала келісіледі.

 

Абылханов Ержан Дауылбайұлы 1984 жылы Маңғыстау облысы Жаңаөзен қаласында дүниеге келген. О. Жәутіков атындагы Республикалық физика-математика мектебің, Қ.Сәтпаев атындағы Қазақ ұлттық техникалық университетін «мұнай-газ кен орындарын өңдеу және пайдалану», «Болашақ» бағдарламасымен Малайзия технология университетін «химия және табиғатты пайдалану» мамандықтары бойынша бітірген.

Еңбек жолын Алматы қаласындағы «Ойл Технолоджи Оверсис» компаниясында өндіру жөніндегі инженер қызметінен бастаған. 2010 жылы Ресей Федерациясы Мәскеу қаласындағы «Салым Петролеум Девелопмент» компаниясында өндіріс технологы, 2010-2019 жылдары Ақтау қаласындағы «Каспий Меруерты Оперейтинг компани» серіктестігінде өндіріс технологы, аға инженер, компанияның техникалық директоры, 2019 жылғы ақпан-қараша аралығында Қазақстан Республикасы Энергетика министрлігінің «Мұнай және газ ақпараттық-талдау орталығы» акционерлік қоғамы бас директорының орынбасары қызметтерін атқарған. 2019 жылдың қарашасынан бері Қазақстан Республикасы Энергетика министрлігі жер қойнауын пайдалану департаментінің директоры лауазымында. 2019 жылғы желтоқсан айында Қазақстан Республикасы Президентінің жанындағы ұлттық комиссияның шешімімен Президенттік Жастар кадр резервіне қабылданған.

Үйленген, бес баланың әкесі.


Мақаланың шыққан күні: 08.01.2016 12:01

Парақтағы соңғы өзгерістер: 17.06.2020 08:21

Қаралым саны: 488288