Мобильді нұсқа Нашар көретіндерге арналған нұсқа
25.11.2017

Қызметтер

Атырау облысы Энергетика және тұрғын үй-коммуналдық шаруашылық басқармасы бойынша сыбайлас жемқорлық тәуекелдеріне жүргізілген ішкі талдау анықтамасы 2016 жылғы 1 қазан жағдайы бойынша

Атырау облысы Энергетика және тұрғын үй-коммуналдық шаруашылық басқармасы бойынша сыбайлас жемқорлық тәуекелдеріне ішкі талдауды жүргізу үшін басқарма басшысының бұйрығымен жұмыс тобы құрылды.

Аталған жұмысшы топ төмендегі көрсеткіштер бойынша талдау жүргізді:

Заң қызметі, мемлекеттік сатып алу және кадр жұмысы бөлімі:

1)персоналды басқару, соның ішінде кадрлардың ауысуы - ағымдағы жылдың 9 ай қорытындысы бойынша кадрлардың ауысуы бойынша: басқарма басшысы А.Байшаханов Қазақстан Республикасының 2015 жылғы 23 қарашадағы «Қазақстан Республикасы мемлекеттік қызметі туралы» Заңының 61-бабының 1-тармағының 1) тармақшасына сәйкес денсаулығына байланысты өз еркімен қызметінен босатылды;

Заң қызмет, мемлекеттік сатып алу және кадр жұмысы бөлімінің басшысы Б.Ергалиев Қазақстан Республикасының 2015 жылғы 23 қарашадағы «Қазақстан Республикасы мемлекеттік қызметі туралы» Заңының 61-бабының 1-тармағының 2) тармақшасына сәйкес өз өтініші бойынша қызметінен босатылды.

2) мүдделер қақтығысы – ағымдағы жылдың 1қазан жағдайы бойынша мүдделер қақтығысы орын алған жоқ;

3) басқарма бойынша мемлекеттік қызмет көрсетілмейді;

4) рұқсат беру функциялары іске асырылмайды;

5) басқармада бақылау функциялары іске асырылмайды;

6) бөлімшенің ұйымдастырушылық-басқарушылық қызметінен туындайтын өзге де мәселелер жоқ.

Басқарманың қызметін қозғайтын нормативтік-құқықтық актілер:

- облыс әкімдігінің 2010жылғы 28 қыркүйектегі №33 «Атырау облысы бойынша табиғи газды тұтыну нормаларын бекіту туралы» шешімі;

- облыс әкімдігінің 2015 жылғы 30 желтоқсандағы №395 «Атырау облысында есептеу аспаптары жоқ тұтынушылар үшін жылумен жабдықтау және электрмен жабдықтау бойынша коммуналдық көрсетілетін қызметтерді тұтыну нормаларын бекіту туралы» қаулы;

- облыс әкімдігінің 2015 жылғы 30 желтоқсандағы №392 «Атырау облысында коммуналдық көрсетілетін қызметтерді ұсыну қағидаларын бекіту туралы» қаулы.

Талдау анықтамасы бойынша нормативтік – құқықтық актілердің нормалары арасында қайшылықтар, коллизиялар мен олқылықтар, нормалардың қайталануы, сыбайлас жемқорлық әрекеттерді жасау және (немесе) шешім қабылдау мүмкіндігін туғызатын сыбайлас жемқорлыққа бейім нормалар (норма ақаулары) анықталмаған.

Терминдерді біріздендіру, заңды жетілдіру, құқық қолдану практикасының бірыңғайлылығын қамтамасыз ету бойынша ұсынымдар жоқ.

2) бөлімшеге қатысты мемлекеттік органдардың бұрын жүргізген тексеру нәтижелері – Атырау облысының тексеру комиссиясымен ағымдағы жылдың 21 қаңтар және 19 ақпан күндері аралығында Өңірлерді дамыту бағдарламасы шеңберінде инженерлік инфрақұырылымын дамытуға және басқа да жекелеген бағдарламалар бойынша бөлінген бюджет қаржысының тиімді жұмсалуына мемлекеттік аудит жүргізілді. Нәтижесінде сыбайлас жемқорлық көріністері анықталған жоқ.

3) бұқаралық ақпарат құралдарындағы жарияланымдар – ағымдағы жылдың 30 сәуірінде жергілікті «Атырау» газетіне «Көп болып күресер індет» атты мақала жарық көрді. Сонымен қатар әр тоқсан сайын жергілікті «Атырау» және «Прикаспийская коммуна» газеттеріне басқарма басшысының халыққа қызмет көрсету орталығы департаментінде тұрғындарды қабылдау кестесі, сенім телефон нөмірлері жарияланып тұрады. Бұқаралық ақпарат құралдарында Басқарма қызметкерлерінің заңға қайшы әрекеттері мен теріс іс-қимылдарын әшкерлейтін материалдар жарияланған жоқ;

4) Сыбайлас жемқорлыққа қарсы іс-қимыл мәселелері бойынша Басқармаға заңды және жеке тұлғалар тарапынан арыз-шағымдар түскен жоқ;

5) прокурорлық қадағалау актілері бойынша ескертулер болған жоқ;

6) сот актілері-басқарма бойынша сыбайлас жемқорлық тәуекелдеріне қатысты сот актілері түскен жоқ.

Комиссия төрағасы: _____________А.Нургалиев

 Комиссия мүшелері: ____________ Г.Мендыгалиев

Комиссия мүшелері: _____________ А.Кенжебеков

Комиссия мүшелері: _____________ М.Карамалаев

Комиссия мүшелері: _____________ Б.Жумакулова

Комиссия хатшысы: _____________ Г. Арстанова


Мақаланың шыққан күні:: 15.11.2016 15:53
Парақтағы соңғы өзгерістер:: 15.11.2016 15:53