Мобильді нұсқа Нашар көретіндерге арналған нұсқа
11.07.2020

Қызметтер

Басқарма басшысы

Басқарма басшысыАтырау облысы Ветеринария

басқармасының басшысы

Айткалиев Азамат Серикбаевич

 

Айткалиев Азамат Серикбаевич 1983 жылдың 12 желтоқсанында бұрынғы Гурьев облысы, Теңіз ауданы, Киров селолық кеңесінде дүниеге келген. Ұлты қазақ. 1990 жылы Киров селолық кеңесіндегі Ы.Алтынсарин атындағы қазақ орта мектебіне барып, оны 2001 жылы аяқтаған. 2001-2006 жылдары Жәңгір хан атындағы Батыс Қазақстан Аграрлық-техникалық университетін «Ветеринарлық-санитарлық дәрігер» мамандығы бойынша және 2006-2008 жылдары «Еуразия» академиясын «Мемлекеттік және жергілікті басқару» бакалавры біліктілігі бойынша тәмамдаған.

2017-2019 жылдар аралығында Жәңгір хан атындағы Батыс Қазақстан Аграрлық-техникалық университетінде «Ветеринарлық-санитария» мамандығы бойынша магистратураны аяқтап «Ветеринария ғылымдарының магистрі» ғылыми дәрежесін алған.

Еңбек жолын 2006-2007 жылдары «Арғын-ВСЭ» жауапкершілігі шектеулі серіктестігінде ветеринарлық дәрігер болып бастаған. 2008-2010 жылдары «Сағыз и Ко» жауапкершілігі шектеулі серіктестігінде іс жүргізуші, 2010-2011 жылдары Атырау облысы Құрманғазы ауданы әкімдігінің ветеринария бөлімінде бас маман, 2011-2012 жылдары Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Құрманғазы аудандық аумақтық инспекциясында жетекші маман және бас маман, мемлекеттік ветеринариялық-санитариялық инспектор қызметтерінде болған. 2012-2015 жылдары Ауыл шаруашылығы министрлігі Ветеринариялық бақылау және қадағалау комитетінің Мақат аудандық аумақтық инспекциясының басшысы, Мақат ауданының Бас мемлекеттік ветеринариялық-санитариялық инспекторы лауазымында және 2015-2016 жылдары Құрманғазы аудандық аумақтық инспекциясының басшысы, Құрманғазы ауданының Бас мемлекеттік ветеринариялық-санитариялық инспекторы лауазымдарында болды. 2016-2017 жылдары Атырау облысы әкімдігінің Ветеринария басқармасында басқарма басшысының орынбасары және 2017-2018 жылдары Ауыл шаруашылығы және ветеринария басқармасында бас маман қызметтерін атқарды.

2018 жылдың 18 маусымынан бастап Атырау облысы әкімдігі Ветеринария басқармасының басшысы, Атырау облысының Бас мемлекеттік ветеринариялық дәрігері лауазымында.

2014 жылы Қазақстан Республикасы Ауылшаруашылығы және қайта өңдеу ұйымдары Орталық комитетінің салалық наградасы I дәрежелі «ЕҢБЕК ДАҢҚЫ» төс белгісімен марапатталған.


Мақаланың шыққан күні: 14.06.2016 17:29

Парақтағы соңғы өзгерістер: 15.05.2020 12:15

Қаралым саны: 3754