Мобильді нұсқа Нашар көретіндерге арналған нұсқа
20.09.2017

Қызметтер

«Еңбек жолы» республикалық конкурсы

Республиканский конкурс «Еңбек жолы»Конкурс «Жалпыға ортақ Еңбек Қоғамы» ұранымен Еңбек адамының қоғамдағы беделін арттыруға және өнімді еңбекті ынталандыруға ықпал етеді.

«Еңбек жолы» конкурсы жастарды еңбекті құрметтеу рухында тәрбиелеу, еңбек дәстүрлерін сақтау және көбейту, үздік еңбек әулеттері мен өндіріс жұмыскерлерін айқындайды.

«Еңбек жолы» конкурсын өткізудің мақсаты- ұрпақтар сабақтастығын сақтау, еңбек адамдары туралы оң қоғамдық пiкiр қалыптастыру және жаңа еңбек әулеттерін құру үшін кәсіпорындар мен ұйымдарда жағдайлар жасау, қазақстандықтарда Қазақстан Республикасы экономикасының дамуына елеулі үлес қосқан отандастарының жетістіктері үшін мақтаныш сезімін тәрбиелеу.

Кәсіпорынның (саласына қарамастан) барлық жұмыскерлері қатыса алады.

Конкурс 3 номинациядан тұрады:

1) «Үздік еңбек әулеті»–еңбек өтілі ең ұзақ, марапаттары ең көп ең көп санды әулет таңдалады.

Еңбек әулеті–бір ұйымның бір отбасының екі және одан да көп ұрпағы болып табылатын (ерлі-зайыптылардың бірі немесе екеуі балаларымен немесе немерелерімен), қазіргі уақытта еңбек қызметін жүзеге асыратын және аталған ұйымдағы жиынтық жұмыс өтілі кемінде 20 жыл жұмыскерлер тобы. Еңбек қызметін бәрінен бұрын бастаған әулет өкілі әулеттің басшысы болып танылады.

Еңбек әулеті ауылдың, ауданның (қаланың, облыстың) қоғамдық өміріне белсенді қатысуға, жастарды кәсіптік бағдарлауға жәрдемдесуге, өз кәсібін насихаттауға тиіс.

2) «Өндірістің үздік жас маманы»-жұмыс өтілі 5 жылдан аспайтын, ең белсенді және еңбекқор өндіріс жұмыскері таңдалады;

3) «Жұмыс істейтін жастардың үздік тәлімгері»-жұмыс өтілі кемінде 20 жыл, жоғары тиімді жұмыс істейтін тәлімгер таңдалады.

Конкурс 2 кезеңде өтеді:

1-кезең өңірлік деңгейде өңірлік комиссия дауыс беру қорытындылары бойынша ең көп балл жинаған жеңімпаздарды айқындайды.

2-кезең республикалық деңгейде сәйкес облыстың, астананың, республикалық маңызы бар қаланың жеңімпаздары арасында өткізіледі.

Салтанатты марапаттау рәсімі ағымдағы жылғы қазан айында«Жалпыға ортақ Еңбек қоғамы» республикалық форумында өтетін күні Астана қаласында өтеді.

Конкурсты өткізу мерзімдері:

2017 жылғы 20 шілдеге дейінгі мерзімде - қалалық, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімдері үміткерлерден өтінімдерді қабылдау;

2017 жылғы 1 тамыздан 31 тамызға дейінгі мерзімде - облыс әкімдігінің сайтында онлайн дауыс беру;

2017 жылғы 6 қыркүйекке дейінгі мерзімде- дауыс беру қорытындысы бойынша өңірлік деңгейдегі жеңімпаздарды анықтау.

Ең көп дауыспен балл жинаған конкурсанттардың оларды конкурстың жеңімпаздары ретінде айқындауға басым құқығы бар.

Өңірлік және республикалық конкурсқа ұсынылатын құжаттар

Конкурсқа қатысу үшін мынадай құжаттар ұсынылады:

1) номинация көрсетілген, еркін нысандағы конкурсқа қатысу туралы өтінім;

2) жеке куәліктің көшірмесі;

3) номинация тақырыбы бойынша 1-3 минуттан аспайтын бейнеролик (қалауы бойынша жұмыс орны және дағдылары көрсетілген);

4) конкурсант туралы (жұмысы, отбасы, қызығатын ісі, хоббиі және т.б.) 1-3 минут компьютерлік презентация (Microsoft Power Point форматында);

5) еңбек әулетінің әр өкілінің немесе жұмыскердің жұмыс өтілін растайтын, жұмыс беруші куәландырған еңбек кітапшасының және өзге де құжаттардың көшірмелері/жұмыс орнынан анықтама;

6) жұмыс беруші немесе кәсіподақ берген ұсынымдық хат.

Бар болса (мынадай құжаттардың көшірмелері):

мемлекеттік немесе ведомстволық наградалардың, мадақтау қағаздарының, алғыс хаттардың көшірмелері;

біліктілікті арттыру туралы куәліктер (бар болса).

Конкурсқа құжаттар мемлекеттік немесе орыс тілінде ұсынылады.

Барлық ниет білдірген тұрғындарды және барлық меншік нысанындағы ұйымдардың еңбек ұжымдарын аталған конкурсқа қатысуға шақырамыз.

Толық мәлімет пен кеңес Индер аудандық жұмыспен қамту, әлеуметтік бағдарламалар және азаматтық хал актілерін тіркеу бөліміне, мекен-жайы: Атырау облысы, Индер ауданы, Индербор кенті, Қонаев көшесі-16, тел.8(71234) 21460 хабарласып алуыңызға болады.

 


 

1. Тауманова Каламкас Даулетқалиқызы

Мен Тауманова Каламкас Даулетқалиқызы, 1966 жылдың 20 қыркүйегінде Атырау облысы, Индер ауданы,Бөдене селосында дүниеге келдім.

1973 жылы Бөдене ауылындағы орта мектептің бірінші сыныбына оқуға бардым. Мектепті 1983 жылы бітірдім.

1983 жылы Гурьев мәдени –ағарту училещесінің мәдени-көпшілік жұмыстардың режиссері факультетіне оқуға түстім.

1986 жылы аталған училещені бітірдім. Осы жылдан бастап Индер ауданынының мәдениет бөлімінде мәдени қызметкер болып 2011 жылға дейін қызмет атқардым.

2011 жылдан бастап, «Райхан» бөбекжайында көркемдік жетекші болып қызмет атқарып келемін.

Аудандық педагогикалық оқуларға қатысып жүлделі ІІ, ІІІ-орындарды иеленіп, 2012 жылы ХІІІ - облыстық педагогикалық оқуға қатысып, жүлделі ІІІ-орынды,2013 жылы Алғыс хатпен марапатталдым.Балалабақшада жетекшілік ететін «Сиқырлы әлем» балалар театры бірнеше мәрте аудандық, облыстық «Айгөлек» балалар шығармашылығы фестивалінің жүлдегері атанды. Сонымен қатар, педагогикалық оқуларға қатынасып ,жас мамандармен тәрбиелеп, іс-тәжірибем балабақша тәрбиешілеріне таратылды Білім беру мен тәрбие саласындағы алдыма қойылған мақсатымбілімді ,дүние танымы терең, жеке тұлғаны қалыптастыру.Аудандық семинарла ертегіден көрсетілімдер көрсетілімдер көрсетіп жүр

Тұрмыстамын. Жолдасым – Құрмет Беленұлы – «Гюраль» мекмесінде оператор.

Үлдарым- Салім,Жасұлан-қызметкерлер, қызым- Асем мектеп оқушысы.

Мекен-жайым: Индербор кенті, Алғабас тұйық көшесі, 7-үй, . т. 3-03-34.

Республиканский конкурс «Еңбек жолы» Республиканский конкурс «Еңбек жолы»

 

 


 

2. Жакиева Ляззат Сапарғалиқызы

Дауыс бергіңіз келетін қатысушыны таңдаңыз

Жакиева Ляззат Сапарғалиқызы - 1507
17%
Тауманова Каламкас Даулетқалиқызы - 7356
83%


Мақаланың шыққан күні:: 05.07.2017 07:15
Парақтағы соңғы өзгерістер:: 04.08.2017 11:12