Мобильді нұсқа Нашар көретіндерге арналған нұсқа
05.07.2020

Қызметтер

Атырау облысы Тілдерді дамыту жөніндегі басқармасында сыбайлас жемқорлық тәуекелдеріне ішкі талдау қорытындысы бойынша 2018 жылдың 7 желтоқсандағы жай-күйі туралы талдамалық анықтама

Атырау облысы Тілдерді дамыту жөніндегі басқармасы басшысының 2018 жылғы 6 маусымындағы №24-01-5/56 бұйрығына сәйкес басқарманың тілдерді дамыту, талдау және үйлестіру жұмыстары бөлімінің қызметіне 2018 жылдың 1 қаңтары мен 7 желтоқсаны аралығындағы жұмыс кезеңіне ағымдағы жылдың 7 желтоқсан күні сыбайлас жемқорлыққа қарсы мониторинг және сыбайлас жемқорлық тәуекелдеріне ішкі талдау жүргізілді.

Сыбайлас жемқорлық тәуекелдеріне ішкі талдау қорытындысы бойынша талдамалы анықтама жұмыс тобымен жасақталды:

1. Қуанышева Айгүл Базарбайқызы – бөлім басшысы;

2. Дияшева Жеміс Сәлуқызы – бөлім басшысы;

3. Хамидуллина Гүлшат Хамидуллақызы – бөлім басшысы (науқастануына орай, еңбекке жарамсыз демалысында) ;

4. Нұғыманова Арайлым Бауыржанқызы – бас маман-есепші.

«Тілдерді дамыту, талдау және үйлестіру жұмыстары бөлімінің қызметін қозғайтын нормативтік құқықтық актілерде сыбайлас жемқорлық тәуекелдерін анықтау» бағыты бойынша:

Бөлімнің қызметін қозғайтын нормативтік құқықтық актілер:

- «Қазақстан Республикасының мемлекеттік қызметі туралы» Қазақстан Республикасының 2015 жылғы 23 қарашадағы Заңы;

- «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңы;

- «Қазақстан Республикасындағы тiл туралы» Қазақстан Республикасының 1997 жылғы 11 шiлдедегі Заңы;

- «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы туралы» Қазақстан Республикасы Президентінің 2011 жылғы 29 маусымдағы № 110 Жарлығы;

- «Қазақстан Республикасының тіл саясатының тұжырымдамасы туралы» Қазақстан Республикасы Президентінің 1996 жылғы 4 қарашадағы № 3186 Өкімі;

- Атырау облысы әкімдігінің 2012 жылғы 28 желтоқсандағы №428 қаулысымен бекітілген «Атырау облысы Тілдерді дамыту жөніндегі басқармасы туралы ережесі»;

- «Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру жөніндегі Атырау облысының 2017-2019 жылдарға арналған іс-шаралар жоспарын бекіту

туралы» Атырау облысы әкімдігінің 2017 жылғы 14 наурыздағы № 42 қаулысы (облыс әкімдігінің 2017 жылғы 8 тамыздағы №207, 2018 жылғы 27 ақпандағы №39, 2018 жылғы 24 сәуірдегі №91, 2018 жылғы 7 тамыздағы №188 қаулыларымен өзгерістер енгізілген);

- «Атырау облысының ведомоствоаралық сипаттағы мәселелер жөніндегі консультативтік-кеңесші органдарын құру туралы» Атырау облысы әкімдігінің 2011 жылғы 18 қарашадағы № 321 қаулысы (Атырау облысы әкімдігінің 2012 жылғы 13 наурыздағы № 59, 2012 жылғы 25 қыркүйектегі № 269, 2012 жылғы 11 қазандағы № 283, 2012 жылғы 2 қарашадағы № 338, 2013 жылғы 15 наурыздағы № 102, 2013 жылғы 12 шілдедегі № 271, 2014 жылғы 28 қарашадағы № 368, 2015 жылғы 13 ақпандағы № 32, 2015 жылғы 6 наурыздағы № 62, 2015 жылғы 12 маусымдағы № 178, 2015 жылғы 25 қыркүйектегі № 298, 2015 жылғы 25 желтоқсандағы № 375, 2016 жылғы 12 сәуірдегі № 76, 2016 жылғы 18 шілдедегі № 149 және 2017 жылғы 10 қарашадағы № 275, 2017 жылғы 28 желтоқсандағы №346, 2018 жылғы 6 наурыздағы №43 және 2018 жылғы 15 маусымдағы №134 қаулыларымен өзгерістер мен толықтырулар енгізілген).

Талдау анықтамасы бойынша нормативтік-құқықтық актілердің нормалары арасында қайшылықтар, коллизиялар мен олқылықтар, нормалардың қайталануы, сыбайлас жемқорлық әрекеттерді жасау және (немесе) шешім қабылдау мүмкіндігін туғызатын сыбайлас жемқорлыққа бейім нормалар (норма ақаулары) анықталмаған.

Дискрециялық өкілеттіліктер мен нормалардың болуы анықталған жоқ.

«Тілдерді дамыту, талдау және үйлестіру жұмыстары бөлімінің ұйымдастырушылық-басқарушылық қызметіндегі сыбайлас жемқорлық тәуекелдерін анықтау» бағыты бойынша:

1) персоналды басқару, соның ішінде кадрлардың ауысуы – аталған бөлімде бір бірлік, яғни, бөлім басшысы тұрақты қызмет атқаруда. Кадрлардың алмасуы болған жоқ;

2) мүдделер қақтығысы – ағымдағы жылдың 7 желтоқсан жағдайы бойынша мүдделер қақтығысы орын алған жоқ;

3) бөлім бойынша мемлекеттік қызмет көрсетілмейді;

4) рұқсат беру функциялары іске асырылмайды;

5) бөлімде бақылау функциясы іске асырылмайды;

Талдау нәтижесі бойынша құқықбұзушылықтар анықталған жоқ;

6) бөлімнің ұйымдастырушылық-басқарушылық қызметінен туындайтын өзге де мәселелер жоқ;

7) Атырау облысы Тілдерді дамыту жөніндегі басқармасында ағымдағы жылы мемлекеттік аудит қорытындысы бойынша тексерулер болған жоқ;

8) бұқаралық ақпарат құралдарында қызметкерлердің заңға қайшы әрекеттері мен теріс іс-қимылдарын әшкерлейтін материалдар жарияланған жоқ;

9) бөлім қызметкеріне қатысты сыбайлас жемқорлық мәселелері бойынша жеке және заңды тұлғалар тарапынан өтініштер түскен жоқ;

10) прокурорлық қадағалау актілері бойынша ескертулер болған жоқ;

11) сот актілері – бөлім бойынша сыбайлас жемқорлық тәуекелдеріне қатысты сот актілері түскен жоқ.

Қорытынды және ұсыныстар:

1. Басқармадан мемлекеттік тапсырысқа бөлінген қаражатты тиімді пайдалану мақсатында, күнтізбелік жыл ішінде мемлекеттік тіл саясатын жүзеге асыру бойынша іс-шаралардың сапалы орындалуын қамтамасыз ету;

2. Тілдер туралы заңнаманы және тілдерді қолдану мен дамыту бағдарламаларының орындалуын жүзеге асыру жөніндегі үйлестіру кеңесінің отырысын уақытылы өткізіп, қабылданған хаттамалық шешімдердің орындалуын қадағалау және кеңес жұмысы туралы ақпаратты бұқаралық ақпарат құралдарында жариялау.

Жұмыс тобы:

__________________А.Б.Қуанышева

 

__________________Ж.С.Дияшева

 

__________________Г.Х.Хамидуллина (науқастануына орай, еңбекке

жарамсыз демалысында)

 

___________________А.Б.Нұғыманова

 

Сыбайлас жемқорлық тәуекелдеріне ішкі талдау жүргізуге және жұмыстың нәтижесіне басшылық, үйлестіру және жауаптылық жүктелген лауазымды тұлға:

 

___________________Ә.Б.Қыстаубаева


Мақаланың шыққан күні: 07.12.2018 17:03

Парақтағы соңғы өзгерістер: 07.12.2018 17:03

Қаралым саны: 764