Array Еңбекші ауылдық округінің әкімі | Атырау облысы әкімдігінің ресми интернет ресурсы
Мобильді нұсқа Нашар көретіндерге арналған нұсқа
28.04.2017

Қызметтер

Еңбекші ауылдық округінің әкімі

Габбасов Ханат Айтжанұлы

Габбасов Ханат Айтжанұлы 1955 жылдың 20 сәуірінде Атырау облысы, Теңіз ауданы, Қошалақ ауылдық кеңесінде дүниеге келген. 1972 жылы Ломоносов атыдағы орта мектебін бітіріп, еңбек жолын Калинин селолық кеңесінде счетовод болып бастаған. 1973-1975 жылдар аралығында Кеңес Армиясы қатарында Алматы қаласында әскери міндетін атқарған. 1975-1976 жылдары Орлы селосындағы Орлы орта мектебінде алғашқы әскери пәнінің мұғалімі, кейін 1976 жылдың желтоқсан айында жаңадан құрылған Партияның XXV- съезі атындағы кеңшарда спорт нұсқаушысы, соңынан комсомол комитетінің хатшысы қызметін атқарған. Жұмысын атқара жүріп 1979 жылы Атырау қаласындағы Х.Досмухамедов атындағы институтқа түсіп 1984 жылы тарих, қоғамтану пәнінің мұғалімі мамандығы бойынша бітіреді. 1986 жылы Теңіз автотранспорт мекемесінде директордың саяси-тәрбие жөніндегі орынбасары, партия комитетінің хатшысы қызметін қоса атқарған. 1988-1989 жылдары Теңіз ауданы партия комитетінде нұсқаушы, кейін 1989 жылдан 2006 жыл аралығында Еңбекші селолық кеңесінің төрағасы, әкімі қызметтерін атқарған. 2006-2008 жылдың қарашасына дейін Құрманғазы аудандық мәдениет және тілдерді дамыту бөлімінің меңгерушісі, 2009 жылдың 11 қыркүйегіне дейін «Атырау» газетінің Құрманғазы ауданындағы тілшісі, ал 2009-2011жылдар аралығында Құрманғазы ауданы әкімінің аппаратының жалпы бөлімі менгерушісі болып қызмет істеген. 2011 жылдан күні бүгінге дейін Еңбекші ауылдық округінің әкімі болып қызмет атқарып келеді.

Еліміздің әлеуметтік-экономикалық дамуына қосқан үлесі және шебер ұйымдастырушылығы мен кәсібі біліктілігі үшін Құрманғазы ауданы әкімінің, Құрманғазы аудандық маслихатының, Атырау облысы әкімінің алғыс хаттарымен, 2015 жылдың сәуір айында Құрманғазы ауданыны әкімінің құрмет грамотасымен марапатталған.


Мақаланың шыққан күні:: 30.03.2017 12:08
Парақтағы соңғы өзгерістер:: 30.03.2017 12:08