2020 жылғы 13 шілде — Қазақстан Республикасындағы Жалпыұлттық аза тұту күні

"БӨДЕНЕ АУЫЛДЫҚ ОКРУГІ ӘКІМІНІҢ АППАРАТЫ" МЕМЛЕКЕТТІК МЕКЕМЕСІНІҢ 2018 ЖЫЛДЫҢ І-ЖАРТЫЖЫЛДЫҒЫНА СЫБАЙЛАС ЖЕМҚОРЛЫҚ ТӘУЕКЕЛДЕРІНЕ ІШКІ ТАЛДАУ ЖҮРГІЗУ НӘТИЖЕЛЕРІ БОЙЫНША ТАЛДАМАЛЫҚ АНЫҚТАМА | Атырау облысы әкімдігінің ресми интернет ресурсы
Мобильді нұсқа Нашар көретіндерге арналған нұсқа
13.07.2020

Қызметтер

"БӨДЕНЕ АУЫЛДЫҚ ОКРУГІ ӘКІМІНІҢ АППАРАТЫ" МЕМЛЕКЕТТІК МЕКЕМЕСІНІҢ 2018 ЖЫЛДЫҢ І-ЖАРТЫЖЫЛДЫҒЫНА СЫБАЙЛАС ЖЕМҚОРЛЫҚ ТӘУЕКЕЛДЕРІНЕ ІШКІ ТАЛДАУ ЖҮРГІЗУ НӘТИЖЕЛЕРІ БОЙЫНША ТАЛДАМАЛЫҚ АНЫҚТАМА

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес, «Бөдене ауылдық округі әкімінің аппараты» мемлекеттік мекемесінде сыбайлас жемқорлық тәуекелдеріне ішкі талдау жүргізілді. Сыбайлас жемқорлық тәуекелдеріне ішкі талдау жүргізу кезеңі – 2018 жылдың І- жартыжылдығы.

Сыбайлас жемқорлық тәуекелдеріне ішкі талдау жүргізу барысында бөлім өзінің қызметінде басшылыққа алатын Кодекстер, Заңдар, нормативті құқықтық актілер, құқықтық актілер қарастырылды.

Бөдене ауылдық округі әкімінің аппараты бойынша сыбайлас жемқорлық тәуекелдеріне жүргізілген ішкі талдау жұмыстары аппарат қызметін қозғайтын нормативтік-құқықтық актілер (Қазақстан Республикасының 2003 жылғы 20 маусымдағы Жер кодексі, Қазақстан Республикасы Білім және ғылым министірінің 2016 жылғы 21 ақпандағы №58 бұйрығы «Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою» мемлекеттік көрсетілетін қызмет стандарты, Қазақстан Республикасы Ауыл шаруашылығы министірінің 2016 жылғы 19 қаңтардағы №15 бұйрығы «Жеке қосалқы шаруашылықтың бар екендігі туралы анықтама беру» мемлекеттік көрсетілетін қызметтер стандарты, Қазақстан Республикасының 2007 жылғы 12 қаңтардағы №221 «Жеке және заңды тұлғалардың өтiнiштерiн қарау тәртiбi туралы» Заңы, Қазақстан Республикасының 2015 жылғы 4 желтоқсандағы «Мемлекеттiк сатып алу туралы» Заңы) бұқаралық ақпарат құралдарындағы жарияланымдар, аппаратқа келіп түскен жеке және заңды тұлғалардың өтініштері, аппарат бойынша көрсетілетін мемлекеттік қызметтер, Қазақстан Республикасының заңнамасымен тыйым салынбаған өзге де мәліметтер бойынша жасалды.

Бөдене ауылдық округі әкімінің аппараты бойынша 2018 жылдың І- жартыжылдығында барлығы 35 мемлекеттік қызмет көрсетілді. Олар:

* Мектепке дейінгі балалар ұйымдарына жіберу үшін мектепке дейінгі (7 жасқа дейінгі) жастағы балаларды кезекке қою- 27;

* Жеке қосалқы шаруашылықтың бар екендігі туралы анықтама беру- 8;

Көрсетілетін мемлекеттік қызметтерді мерзімінен кешіктіру және қызмет алушылар тарапынан қызмет көрсету сапасына арыз шағымдар болған жоқ.

2018 жыл І- жартыжылдығы ішінде заңды және жеке тұлғалардың 22 арыздар мен өтініштер түсіп, уақытылы жауап берілді. Азаматтардың арыз-шағымдарын салуға арналған жәшіктер мекемеде көрнекі жерге орнатылып, 8 /71234/ 26410 сенім телефоны орнатылған.

Жергілікті басылымға аппараттың қызметіне қатысты мақалалар жарияланып тұрады.

Мемлекеттік сатып алулар бойынша заң бұзушылықтар орын алған жоқ. Прокурорлық наразылық келіп түскен жоқ.

«Округтің ұйымдастырушылық-басқарушылық қызметіндегі сыбайлас жемқорлық тәуекелдерін анықтау» бағыты бойынша мүдделер қақтығысы, басшымен қызметкерлер арасында келіспеушілік болған жоқ, аппарат қызметкерлері тұрақты жұмыс істеуде, сондай-ақ, сыбайлас жемқорлыққа қарсы қабылданған шектеулер мен тыйым салуларды бұзушылықтар анықталған жоқ. Сыбайлас жемқорлық тәуекелдеріне ішкі талдау жүргізу кезінде бөлімде 1 бірлік округ әкімі, 4 бірлік бас маман болды. Кадрлар тұрақсыздығы жоқ.

2017 жылғы аттестаттау нәтижелері бойынша округтің барлық мамандары лауазымдарына лайық деп танылды.

Жоғарыда аталған Заң талаптарын жүзеге асыру және қоғамда сыбайлас жемқорлық көріністеріне «мүлдем» төзбеушілік ахуалын қалыптастыру мақсатында Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Атырау облысы бойынша департаменті ұсынған (бұдан әрі-Департамент) «Мемлекеттік қызметтерді алушылардың құқықтары», «Параға емес, биікке ұмытыл», «Пара берсең жазаланасың» және «Пара беру-бас бостандығыңнан және болашағынан айырады» тақырыптары бойынша жадынамалары әзірленіп, ауыл тұрғындары мен мекемелерге таратылды. «Міндетіміз ортақ- жемқорлықсыз болашақ», «Параға емес, биікке ұмытыл» тақырыбындағы баннер, билбордтар орнатылды.

ҚР Мемлекеттік қызмет істері және сыбайлас жемқорлыққа қарсы іс- қимыл агенттігімен жасақталған «Қоғамдық бақылау картасы» округтегі мекемелер мен тұрғындар арасында түсіндірме жұмыстары жүргізіле отырып, таратылды.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі әзірлеген сыбайлас жемқорлықтың кез келген көріністеріне төзбеушілік жағдайын жасау және қоғамда сыбайлас жемқорлыққа қарсы мәдениетті қалыптастыру мәселелері бойынша ынтымақтастық туралы ашық келісімге округ бойынша 3 заңды тұлға, 158 жеке тұлға қосылып, ашық келісімнің ресми www.adaldyk.kz сайтына тіркелді.

Есептік кезеңде Бөдене ауылдық округі әкімінің аппараты қызметінде сыбайлас жемқорлық тәуекелдері анықталмады, қызметкерлері тарапынан сыбайлас жемқорлыққа қатысты қандай да бір құқық бұзушылық орын алған жоқ.

 

"Бөдене ауылдық округі әкімінің аппараты" мемлекеттік мекемесі


Мақаланың шыққан күні: 27.06.2018 04:28

Парақтағы соңғы өзгерістер: 27.06.2018 13:57

Қаралым саны: 1230